السوسي للمرأة العصرية

السلام عليكم
اود ان اعرض مشكلتى عليكم
انا رحت بكل بساطه علشان اخطب واحده زميلتى فى الشغل ودى كانت المره الاولى اللى اروحلهم فيها
المهم انى اتفاجئت بان طلباتهم كتيره بس انا مرديتش عليهم فى نفس المره اللى انا رحتها يعنى انا عرفت بس الطلبات اللى هما كانوا عاوزينها مش اكتر ورحت قولتها لابويا
وكانوا قيلينلى انهم هايفكروا فى الموضوع ده ولو كانت فى موافقه هاتكون دى طلباتهم
المهم انه بدون سابق انزار اتصل بيا والدها وقالى يابنى مفيش نصيب
انا شلت الموضوع ده من دماغى مع انى كنت زعلان جدا عليه علشان فعلا البنت كانت تستاهل انى اتقدملها لان فيها كل اللى انا كنت عاوزه فى البنت اللى كنت بحلم بيها
طبعا زى ماقولتلكم انى انا معاها فى شغل واحد
ومره واحده الموضوع ده اتفتح تانى المهم انى رحت ليهم البيت تانى واتفاجئت ان طلباتهم الكتيره دى زى ماهى
عاوز اقوولكم ان المرخه الاولانيه كنا متفقين ان تكون فى فترة خطوبه مدة سنه واحده وبعدها تتم كل المواضيع التانيه المهم انى كنت هاجيب الدهب الاول وبعدين اجهز شقتى على قد ماقدر طبعا اما انا رحت تانى مره ابويا واعمامى لما قعدت معاهم قالولى الناس دى مش شاريه علشان كده سيبك منهم لانهم لو شاريين هاوافقوا على اى حاجه لانه مش مهم ان الواحد يكون جاهز بكل حاجه عند الجواز والناس بتشيل بعضيها
المهم انهم موافقوش على انى انا اقدم الدهب واعمل شبكه واقعد سنه قالولى ان الناس دى ممكن طالما اتلككت اول مره انها تعمل مشاكل بعد كده
وانا فوجئت برده فى تانى مره انا رحته هناك انهم بيحددولى سعر الاوضه اللى انا هاجهزها يعنى مطلوب منى 3 اوض الاوضه سعرها 15000 جم يعنى من لاخر مش عاوزيين يجوزوا
المهم ان البنت فوق دا كله انا شايف انها شاريانى بس طبع الناس دى زى طبع الناس الفلاحين يعنى البنت متقدرش تقول لابوها او لممامتها انا عاوزه فلان بالاسم يعنى هى عاوزانى بس مش عارفه تعمل حاجه زيي
انا حيران خصوصا انى سنى 28 سنه وانا عقبال مااجهز بامكانيتهم هاقعد سنتين كمان مش سنه وهى ممكن تتخطب فى اى وقت
طيب والناس مش راضيه بامكانياتى فى الوقت الحالى وحاولت انى اقنعهم لكن هما شايفين نفسهم حبتين
وعاوز اضيف حاجه ان ام البنت هى السبب فى القصه دى كلها لان هى تعتبر راجل البيت
قولولى اعمل ايه بقى ياترى اسيب الموضوع ده خالص واشوف غيره
ولا افضل مستنى وانا مش ضامن ان البنت تستنانى يعنى اهلها ممكن يجوزوها فى اى وقت
خصوصا انها جميله وشغاله فى مصلحه حكوميه كويسه (بنك مصر)
يبعنى اللى بيشوفوها كتير

ياترى ممكن الاقى الحل عندكم

المهم ناى عاوز الحل ده فى اقرب وقت ان شاء الله
والله الموفق وشكرا لاستماعكم لى وتعاونكم معى
والسلام عليكم ورحمة الله وبركاته